General Santos City—nagpakitabang sa RMN News Team ang pamilya sa OFW nga si Jovelyn Gomez nga taga Klinan 6, Polomolok, South Cotabato kansa nagtrabaho karon sa Hadiya, Kuwait human nga gitabangan ug kulata sa iyang among babaye ug anak niini.
Sumala n imam Mira Gomez, ugangan sa maong OFW nga nagsugod ug trabaho ang iyang umagad ngadto sa Kuwait niadtong nakalabayng tuig. Sulod sa usa ka tuig halos tulo na ka amo ang iyang giagian tungod gibaligya matud pa siya sa iyang unang amo sa uban nga employer.
Sa bag-o niyang amo duha palang kini kabulan nga nag trabaho isip domestic helper. Niadtong nakalabayng adlaw gikulata ang biktima sa iyang among babaye ug anak niini kung asa nakaangkon kini ug daghang mga bun-og ug samad sa lawas.
Gawas niini gipriso pa ang nahisgutan sa usa ka kwarto sulod sa panimalay sa iyang amo. Maayo nalang nga naluoy kaniya ang igsuon sa iyang amo, siya gitabangan nga makagawas ug dayon gipapuyo sa lawak sa mga katabang sa nahisgutan. Sa karon dili pa maayo ang kahimtang ni Jovelyn tungod nakasinati kini ug trauma.
Samtang personal usab nga nahinabi pinaagi sa Social Media sa RMN news Team si Jovelyn ug gikumperma niini nga duna syay nadawat nga impormasyon nga subli na usab syang ibaligya sa kasamtangan niyang amo sa nain na usab nga i-mployer butang nga nga gikabalak-an sa nasampit.
Buot nalang ni Jovelyn nga makauli sa Pilipinas aron makauban niini ang iyang mga anak sa Klinan 6, Polomolok. Dili na niya buot pang manarbaho sa maong lugar tungod pait kaayo ang iyang nasinatian ug kahimtang sa iyang gitrabahuan.
