Wala sang plano ang pamilya nga pasakaan pa sang kaso ang mag-utod nga nakapatay sa ila magulang sa Purok Gawad Kalinga, Barangay Cabug syudad sang Bacolod.
Sa interview sang DYHB sa hepe sang Police Station 9 nga si Police Lt. Guilbert Batiles, ginpahayag sini nga base sa inisyal nila nga pag-istorya sa pamilya, indi na magpasaka kaso ang mga ini batok kay Victor kag Junmar Bandico nga amo ang nagpuli lampus nga gintunaan sang kamatayon sang ila magulang nga si Larry.
Ginahulat karun sang Station 9 nga mag-file sang affidavit of non-interest to file a case ang pamilya kag kun matapos ang reglementary period of detention paguwaon na ang mga suspek.
Nagaguwa man sa imbestigasyon nga kun mahubog ang biktima, nagapanakit ini sa miembro sang iya pamilya. Si Larry ang ginlampusan kahoy sang iya mga utod matapos sila ginhangkat away kasunod sang pagsakit sini sa iya live-in partner nga tatlo ka bulan nga nagabusong kag pagsumbag pa sa ila iloy.
Nakaagi naman nga na-priso sa Station 9 ang biktima kag santo incident report nga pirmado sang pamilya kag Purok President nga si Lee Jover Lazarte, hubog kag naka-suyop sang iligal nga druga si Larry sang natabo ang insidente sang Noviembre 7 sang gab-i.
[image: image.png]
