Pampasaherong Jeep nadisgrasya human mawad-an og brake, mga pasaherong taga-Bukidnon, samaran

14
Samdan ang unom ka mga pasahero nga taga- Bukidnon nga sakay sa usa ka Jeep nga nadisgrasya human mawad-an og brake didto sa Provincial Road, Zone-1 Upper, Sta. Ana, Tagoloan, Misamis Oriental buntag kagahapon.

Giila ang mga nasamdan nga sila Cesar Raiz Jr., 15 anyos, Eddie Ubaub, 56 anyos, ug Jay Ryan Tacbobo, 30 anyos nga pulos taga Bagong Silang, Sta. Ines, Malitbog, Bukidnon. Lakip usab sila Rodilyn Jalinon, 27 anyos, iyang anak nga si Mariam Jalinon, 6 anyos nga residente sa Villa Manga, Malitbog, Bukidnon ug si Mark Vincent Ellevera, 24 anyos ug residente sa San Luiz, Malitbog, Bukidnon nga tanan nakaangkon og mga injuries sa nagkadaiyang parte sa kalawasan.

Gidala sa St. Paul Hospital ang anak sa drayber nga si Raiz Jr. nga nakaangkon og serious injury sa iyang wala nga tiil lakip ang ubang mga nasamdan.

Panghimangnu usab sa kapulisan nga susihon daan ang kondisyon sa sakyanan sa dili pa magabyahe aron nga mahilikay sa bisan unsang disgrasya.

Facebook Comments