Nadakpan sa gipahigayong intelligence driven-operation sa mga kapulisan ang usa ka wanted sa kasong Homicide takna alas 10 kagabie didto sa Purok-10, Barangay 1, Malaybalay City, Bukidnon.
Giila ang nadakpan nga si Bhob Constancia Y Tala, 41 anyos, minyo ug mulopyo sa naasoy nga lugar.
Si Constancia ang gipasakaan og Warrant of Arrest sa kasong Homicide with Criminal Case no. 33480-19 nga gi-issue ni Hon. Emmanuel P. Pasal, Assisting Judge sa Regional Trial Court (RTC), 10th Judicial Region, Branch 9, Malaybalay City, Bukidnon nga adunay girekomendang piyansa nga mukabat sa P120,000.00 alang sa temporaryong kagawasan.
Gibalhog na sa Malaybalay City Police Station ang suspetsado alang sa tokmang disposasyon.
Facebook Comments
