Lalake dakpan sa pagpayuhot sa iligal nga droga

Nadakpan ang usa ka lalaki nga suspek sa pagpayuhot og iligal nga druga atul sa gipahigayong drug buy bust operation sa kapulisan adtong milabayng gabie sa may alas 7 ang takna didto sa Purok 4, Brgy. Poblacion, Valencia City, Bukidnon.

Naila suspetsado nga si Raymart Hernane alias ‘Sagal’ 25 anyos, ulitawo ug residente sa naasoy nga dapit.

Nakumpiska gikan kang Hernane ang 4 ka heat sealed transparent plastic sachet nga adunay sulod nga gituohang shabu, 500peso bill, ug usa ka pouch nga adunay yabe ug carabiner clip. Muabot sa 0.8 ka gramong shabu ang nakumpiska nga adunay gibanabanang kantidad nga 5,440.00 ka pesos.

Ang maong dinakpang suspek ug ang mga nakumpiskang ebidensya ang gidala sa Valencia City Police Station alang sa tukmang disposasyon samtang ipaga turn-over sa ang mga nakompiskang droga sa PNP Provincial Forensic Unit alang sa laboratory eksaminasyon.

Mag-atubang sa paglapas sa R.A 9165 kon Comprehensive Dangerous Drugs Act of 2002 ang dinakpang suspetsado.