Ginakondena sang Panay Alliance Karapatan ang pahayag ni President Rodrigo Duterte nga nagapakighimbon ang mga ini sa makawala nga grupo kag nagakomiter sang rebelyon.
Ini matapos naglunsyar sang nationwide transport strike ang transport group nga PISTON kag naghiwat sang hublag protesta ang pila ka mga cause-oriented groups agud pamatukan ang pag-phase out sa mga salakyan nga naga-edad 15 anyos pasaka kag modernization program sang administrasyon .
Suno kay Reylan Vergara sang Panay Alliance Karapatan , nangin malinong ang ila hublag protesta kag wala man sang elemento sang rebelyon .
Dugang pa ni vergara nga wala sila nahadlok sa pahayag sang presidente kag padayon sila nga manindugan para sa ila pangabuhian.
Madumduamn nga nagpaandam si Duterte sa mga ini nga arestohon kag pasakaan sang kaso kon padayon nga magpamatok sa modernization program sang administrasyon.
Ginpahayag man ni Reylan Vergara sang Panay Alliance Karapatan nga mga corrupt nga opisyal sang gobyerno kag indi sektor sang transportasyon ang sablag sa pag-umwad .
Dugang pa ni Vergara nga may kinamatarong sila nga maghatag sang suhestyon kag magsaway sa indi maayo nga buhat sang Presidente gani dapat nga bukas ini sa nasambit nga mga butang.
(photo from web)
