Gin-respondehan sang mga katapo sang Bureau of Fire Protection-BFP kag iban pa nga mga fire brigade ang sunog nga natabu sa panel board sang naka-dungka nga roll on rolll off vessel sa Bredco Port, diri sa syudad sang Bacolod, sini lang nga hapon.
Naglab-ot sa 15 minutos ang kalayo nga nag-sugod sa panel board nga yara naman sang engine room sang Millennium Uno (RORO).
Suno kay Philippine Coast Guard – Bacolod Station Commander – Lt. Rockliff Buling nga gilayon nga nag-evacuate ang mga crew sang barko bangud nga sa engine room nagluntad ang kalayo.
Dugang pa ni Buling nga INDI anay makapalayag ang amo nga sakayan samtang gina-assess pa ang damage sang panel board sini (wirings sang barko).
Nagluntad ang kalayo samtang ginapatigayon sang crew ang SOP nga engine check sa diin ‘timing’ man nga wala pa sang may naka-saka nga pasahero kag salakyan.
Nahibalu-an nga halin sa Iloilo ang amo nga RoRo Vessel sa diin may yara ini sang kapin 30 ka mga crew.
WALA naman sang nasamaran matapos sang amo nga insidente.
