General Santos City–Posible nga gigamit lang sa mga suspek ang pangalan sa pulis sa pagpang salvage sa usa ka Azula Sabani, legal age, residenti sa Barangay Tambler, Gensan nga nahitabo niadtong milabay nga simana, kini ang gibutyag ni Police Chief Inspector Roel Abejero ang Chief Of Police sa Police Station 1.
Sumala pa ni PCI Abejero nga hangtud sa kasamtnagan naglisud pa sila ug indentified sa van nga puti nga gisakyan matud pa sa biktima ayha kini nakaplagang patay sa syudad sa Koronadal.
Sa karon padayon pa nilang ginasundan ang posibleng gi-agian niini aron usab nga makakuha ug kopya sa CCTV nga posibleng mahimong susi sa pag sulbad sa maong krimen.
Kahinumduman nga una nang nasikop sa tropa sa Police Station 1 ug RID si Sabani gumikan na usab sa pagpamaligya ug smuggled ug peke nga sigarilyo, apan nakagawas sa prisohan.
Pila lang ka adlaw ang nakalabay, nakit-an kining patay na didto sa syudad sa Koronadal kansa adunay samad pinusilan. (Dave Silagan)
