Nisaka na sa 272 ka mga panimalay ang natalang damyos human ang 5.9 magnitude nga linog sa lungsod sa Kadingilan, Bukidnon niadtong Lunes sa gabie.
Sa interview sa RMN Malaybalay ngadto kang Sheen Therese Romo, ang local disaster risk reduction and management officer sa Kadingilan gibutyag niini nga sa mao nga ihap ila pang iberepika kung pilay kinatibuk-ang kantidad ang damyos niini ug kung kini ba totally o partially damage.
Sa karon gibutyag ni Romo nga kasagaran sa mga na-apektuhan anaa nagpabilin sa open areas ilang mga barangay.
Hangtod karon nagpadayon nakasinati sa mga aftershocks ang naasoy nga lungsod.
Gawas sa mga balay, aduna natalang damage usab sa mga government facilities sama sa merkado, food court, ug mga municipal buildings.
Gidugang pa sa LDRRM officer nga mas daghang apektado sa Barangay Poblacion tungod sa kadaghang nagpuyo dinhi.
