Gikumpirmar ni Monsenyor Rey Monsanto ang Parish Priest sa Eco Church sa Barangay Kauswagan ning syudad nga taga Camiguin ang Pari nga nangulo sa misa sa Mt. Carmel Cathedral sa Jolo, Sulu atol sa pagpamomba.
Matud ni Msgr. Monsanto nga kini nga pari mao si Father Ricky Bacolcol nga taga Mambajao, Camiguin.
Dugang pa ni Msgr. Monsanto nga pinaagi ni Father Bacolcol ilang nasayran ang hitabo tungod kay kini mismo ang nagpahibalo kanila.
Tungod niini, gikasubo sa simbahang katoliko ang nahitabo busa nagpagawas dayon og pahayag ang Catholic Bishop Conference of the Philippines kon CBCP nga nagkondena sa maong hitabo.
Nasayran nga duha ka anggulo ang nakita sa CBCP sa nasangpit nga pagpamomba ug kini mao ang Bangsamoro Organic Law kon BOL ug kining mga terrorista nga nag-convert pagka-ISIS.
