DEAD on the spot ang usa ka pari human pusila human nagpahigayon sa santos nga misa sa Gattaran, Cagayan kagahapon sa buntag.
Matud ni Chief Inspector Rodel Tabulog, hepe sa Gattaran police, giduolan ug gipusil sa wala mailang tawo ang biktimang si Fr. Mark Anthony Ventura human naghimo sa misa sa usa ka gymnasium sa Barangay Piña Weste pasado alas otso kagahapon sa buntag.
Si Fr. Ventura ang gikan sa San Isidro Labrador sa Barangay Maubo.
Daling nakasibat ang suspek sakay sa usa ka motorsiklo nga nagpaabut sa maong dapit.
Sa pagkakaron nagpadayon ang imbestigasyon sa kapolisan aron masayran ang hinungdan sa pagpamusil.
-o0o-
By: RadyoMaN Edgar Navarro
Facebook Comments
