General Santos City—Dili patas nga pasanginlan ang kapulisan nga dunay kasayuran sa mga nahitabong patay sa syudad. Kini ang gihingusgan ni Police Sr. Inspector Robert Fores, ang deputy Station Commander sa Police Station 2.
Sumala sa nahisgutan nga dili ang pulis ang nagahupot ug armas nga anaa sa gensan.
Gawas niana duna pay mga ginamonitor nga gun for hire ang syudad kansa gina-validate sa kasamtangan sa otoridad.
Dugang pagbutyag ni PSI Fores nga rason nganong daghang kaso sa pagpatay sa syudad nga wala masulbad gumikan sa kakulangon ug kooperasyon sa mga testigo.
Sagad sa mga pagpamusil nga nahitabo dunay daghang nakakita apan ang problema kay walay buot magwitness para iduot ang mga suspek mao nga dili mapasang-at ang kaso.
Dugang pa ni Fores nga bisan unsa ka maayo ug hanas ang imbistigador sa pag-imbistigar sa krimen kung walay mubarog nga testigo, kawang lang ang tanan tungod dili mapasang-at ang kaso.
