Pangandaman na usab sa syudad ang laing dakong kasaulogan ug kini mao ang umaabot kapaskohan pinaagi sa Pasko de Oro karong Disyembre ning tuiga.
Nasayran nga upat ka dagkong kalihokan sa syudad ang gikatakdang e-institutionallize alang sa mga dagkong kalihokan.
Kini mao ang Pasko de Oro nga magsugod na sa bulan sa Septyembre o Ber months.
Tungod niini, giduso ang lakang sa city council alang sa upat ka Festival nga buot palig-unon sa dakbayan.
Nasayran nga walay permanenteng ngalan ang festival sa dakbayan sa Cagayan de Oro sama na lamang sa Kagay-an ug Tsada Festival.
Gawas niini, gikatakda usab nga saulogon sa syudad ang Chinese New Year Festival sa Pebrero sunod tuig pinaagi sa partnership tali sa mga negosyante ug sa Chinese community.
Lakip na usab ang Himugso Festival sa bulan sa Hunyo o ang pagkahimugso sa dakbayan o charter day ug sa bag-ohay lang nga natapos nga Higalaay Festival sa pagsaulog sa kapistahan sa dakbayan.
