Passenger Capacity sa PUV’s sa syudad sa Cagayan de Oro nagpabiling naa pa sa 50 porsyento!

Giklaro ni Roads and Traffic Administration kon R-T-A Admin Officer Doy Ramiro, nga 50% pa gihapon ang capacity sa mga Public Utility Vehicle kon PUV’s ning syudad.

Matud ni Ramiro nga ang nausab lamang  diri sa syudad mao ang capacity sa mga motorela, diin gikan sa tulo, gitugutan na ang upat ka pasahero.

Dugang pa ni Ramiro nga iya usab nasuta gikan sa Land Transportation  Franchizing and Regulatory Board kon LTFRB region 10 nga ang 70% nga capacity ang gipatuman lamang sa National Capital Region kon NCR.

Giklaro usab ni Ramiro ang maong guidelines dili gikan sa syudad, kondili gikan sa Inter Agency Task Force kon IATF.