iFM Horoscope
Gusto ba nimong mahibaloan ang imong kapalaran karong buwana? Kini giya lamang mga idol, timan-e? nga gikinahanglan ug kakugi, pagpaningkamot, pag ampo plus swerte equals kalampusan sa kinabuhi. Ania na ang mogiya kanimo idol…
Aries – Ikaw ang driver sa imong mekanikal nga kinabuhi. Pwede kang motabang sa problema sa uban kung kini makaayo kanimo ilabi na sa sulod sa pamilya. Salig sa imong kaugalingon ug pag amping kanunay.
Taurus – Ang tubag nga nahatag kanimo basin di makatagbaw ug nangita ka pag laing tubag kay ikaw may nakabalo kung gusto pa nimo ug mas lawom pa nga tubag. Dapat nimo usab nga mahibaloan nga ang pagpangita sa kamatuoran dili lalim.
Gemini – Gikinahanglan ug kabag-uhan kung relasyon ang estoryahan sa pagsaka sa sunod nga lebel. Kung gusto nimong makab-ot ang imohang mga plano, gikinahanglan kag kaabag o partner sa kinabuhi nga motabang kanimo.
Cancer – Aduna kay kongkretong pagsabot ug gusto para sa ubang tawo. Pero di kini madawat sa uban, kay kita aduna may nagkalain-laing salabutan. Karong bulan sa Hulyo, ang pagpadayag nimo sa imong gusto sa uban makahatag kini ug bag-o nga kasabutan ug tulay nga pwede nimong makab-ot ugma damlag.
Leo – Karong bulana mamahimo nimong mahimamat ang oportunidad nga wa nimo nabuhat sa milabay nga panahon. Pwede nimo kining ipadayon nga buluhaton ug kini usab mapangitaan mo ug maayo nga pamaagi aron mahuman kini.
Virgo – kining bulana mamahimong mahitabo na ang mga butang nga dugay na nimo nga gustong mahitabo. Usahay makaingon ta nga sayop ang atoang lakang apan pagsalig sa kaugalingon ang gikinahanglan.
Libra – Usahay wa ta kahibalo nga doul na kita sa kalampusan sa kinabuhi. Kinahanglan nga permanteng positbo sa mga pagpaningkamot ug ayaw kawala sa paglaum.
Scorpio – Usahay makaingon ta ang panahon mibulig kanato. Apan kita mismo ang naghimo sa atoang mga kalampusan. Ang imong tan-aw sa uban nga sila ra ang gi swerte apan ug ikaw wala. Ayaw ug kabalaka niini, adunay daghang swerte ang nagpaabot kanimo, busa kinahanglang positibo ka kanunay sa imong pang huna-huna.
Saguitarius – Kining buwana dili na kinahanglan nga mokayud pa para makab-ot ang swerte ug kalampusan. Apan kung kanunay negatibo ang imong panghuna-huna, lisod kabuton ang imong kalampusan.
Capricorn – Ang imong kaalam ug hayag nga panan-aw sa kinabuhi maoy mamahimong sumbanan sa kanunay nimong pagkamalampuson sa imong kinabuhi, kini ang imong kinahanglang ipadayon.
Aquarius – Kini nga bulan maghatag kanimo ug dakong kalampusan ug swerte sa kinabuhi. Apan kini adunay limitasyon, kay kung wala kay pag bag-o sa imong naandan, kini ang mamahimong babag sa imong kalampusan.
Pisces – Kining bulana mamahimong mohatag kanimo ug daghang kalampusan kay ikaw nagsalig man sa imong mga nahibaloan. Apan, hinay-hinay sa ubang mga desesyon kay kini ang mamahimong hinungdan sa imong kasaypanan, ayaw pag dali –dali.
Source: horoscopes.proastro.com
