Sa miaging adlaw mga 4:30PM kapin kun kulang ang kapulisan sa Siocon nakadawat ug impormasyon gikan sa nagpakabanang lungsuranon nga matod pa adunay nag pot session sa usa ka karaang kongreto nga panimalay nga gipuy-an ni Ivan Julio anaa nahimutang sa Brgy. Pob. Siocon.
Hinungdan nga dali kining ge respondehan sa Siocon MPS sa pagpanguna ni PSI Jefferson Lao Balinda aron maghimo ug anti illegal drug operation sa nahisgutan nga lugar .
Sa paghidangat sa nahisgutan nga panimalay didto sila miagi sa luyong bahin tungod kay wala kini koral ug didto ilang gi ling-ling kun aduna ba’y nag pot session apan positibo kini.
Gilayong gisulod sa grupo agi sa atubangan nga pultahan ug akto nga nasapon si Ivan Julio, 23 anyos nga nag pot session, bag-o kining giila nga User nga taga Brgy. Pob. Siocon .
Nakuha sa lugar ang usa ka gamayng pakete ngaadunay sulod nga white crystalline substance nga gituohang shabu, mga drug paraphernalia, usa ka unit sa Cellphone Samsung, ug uban pang personal mga gamit.
Sa pagkakaron pormal nga nag nag atubang sa kaong paglapas sa R.A 9165 kun Comprehensive Dangerous Drugs Act of 2002 ang dinakpan.
