Gusto ba nimong mahibaloan ang imong kapalaran karong bulana? Kini giya lamang mga idol, timan-e? nga gikinahanglan ug kakugi, pagpaningkamot, pag ampo plus swerte equals kalampusan sa kinabuhi. Ania na ang mogiya kanimo idol.
I FM Horoscope (January 15, 2019 – Tuesday)
ARIES – Adunay usa ka responsiblidad nga moabot kanimo karon nga maoy maghatag kanimo sa kalibog kung imo ba kining gakson o balibaran. Pagbaton ug kaayo sa imong kaugalingon hilabi na sa panahon nga aduna kay sagubangon nga problema. Gamay lang nga kakulangon sa imong kinaiya ang gikinahanglan aron mamahimo kang kahayag sa panan-aw sa uban.
TAURUS – Ang imong nindut nga mga hunahuna ug ideya ang madugangan karon sa imong pagka mamugnaon. pahinumduman ka usab karon nga ang mga nindut nga hunahuna susama gyud ug direksyon hilabi na sa pag-abot sa panglantaw ug ideya. Pagbaton ug panahon karon sa pagpili kung kinsa ang imong mamahimong kauban.
GEMINI – Ang imong pagpursige nga makakuha ug dinalian nga resulta ang posibleng makahatag bkanimo ug kapakyasan, busa atimana lang ang mga butang nga imong makaya ug ayaw pagsulay sa pagpasikat ngadto sa uban, apil na ang imong kaugalingon. Kung gikinahanglan nga sundon gyud nimo ang usa ka sabot, batuni una ang paghimo ug mas tinood nga mga katoyoan.
CANCER – Bisan pa man nga bation nimo karon nga madasig kang magpadayag sa imong hunahuna, wala ka gipugos nga ipagawas kini gilayon. Kung klaro sa imo nga adunay usa ka tawo nga taman ra sa pipila ka mga detalye, gamiti kini ug limitasyon kung bahin na sa impormasyon. Ang pagsulti ug sobra posibleng imong paga basolan sa umaabot.
LEO – Pangandam sa pagkalambigit karon sa mga misteryosong aspeto sa kinabuhi. Kinahanglan nimo karong atubangon ang mga kakuyaw sa isog nga pamaagi, kung pwede, pangayo usab ug tabang. Ang pagbaton ug kahadlok usa ka walay pulos nga pagbati. Ang imong gitohoan nga misteryoso mamahimong klaro kung dili ka lang magpanuko sa pagpangayo ug panabang.
VIRGO – Sayod ka sa imong opinyon may kalabotan sa usa ka butang sa imong kalibotan karon, dili lang ka sigurado kung ang pagbuhat niini makatabang ba o mas mahimo pang komplikado ang sitwasyon. Posible usab nga maapil ka sa usa ka impormasyon nga wala ka nasayod kung padayon lang nimong ihilom kini. Kuhaa una ang igong impormasyon una pagpagawas sa imong hunahuna.
LIBRA – Mabalik ang imong atensyon karon sa usa ka butang nga gitohoan nimong nahuman na. Ang pagdala niini karong panahona gikan sa kagahapon magkinahangla ug igong pag-amping. Hunahuna pag-ayo ang imong mga lihok ug posibleng pagabuhaton. Wala nagpasabot nga mibutho kini pagkalit nga imo gilayon kining atimanon sa pagdali dali.
SCORPIO – Komportable ka karon sa mga panagsultihay nga personal. Apan, ayaw kalimti sa pagbutang ug limitasyon, siguraduha nga dili kaayo kini hugot tungod kay posible nga daghan ka ug matun-an sa usa ka tawo o higala pinaagi sa pakighinabi niini. Mas relax ang pakigstorya mas mamahimong nindot ang imong relasyon ngadto sa uban.
SAGITTARIUS – Kung unsa man ang imong madunggan ug isulti nganha kanimo posible nga para kanimo lang, ikaw na ang magdesisyon kung ipahibalo ba nimo kini sa uban. Usa ka isyu mahitungod sa kinaiya ug batasan ang posibleng malambigit niini, apan ikaw ra gyud ang masayod kung unsa ang sunod nimong pagabuhaton.
CAPRICORN – Ang imong hunahuna mohatag kanimo karon ug mga mensahe, pagbaton ug pasensya aron masabtan kini. Kung kini naggikan sa imong damgo o sa imo bang hunahuna gikan sa imong kagahapon, ang iloang ginapasabot posible nga dili nimo maklaro karon. Apan adunay mensahe niini nga gikinahanglan gyud nimong masabtan.
AQUARIUS – Mas maayo kung itulod nimo palayo ang kaulawon ug motikang ka ngadto sa tunga sa entablado. Apan, anaa gihapon kanimo ang kamaisipon sa kanunay nga paggamit sa pagpaubos ug katarong. Giaghat ka karon nga makighalubilo sa uban aron ipakita ang kalamboan nga imong mahatag sa grupo.
PISCES – Ang imong prisensya, suporta ug mga hunahuna ang gikinahanglan kaayo karong panahona sa usa ka tawo.Posible nga mabira ka sa lainlaing direksyon aron lang makauyon ang uban kanimo, tungod niini magkinanglan kang magbutang ug saktong limitasyon kung kinsa lang ang angay nimong tabangan.
Source: proastro.com
