iDol! gusto ba nimong mahibaluan ang imong Kapalaran karong
bulana? Kini giya lamang mga idol, timan-e! nga gikinahanglan ug
kakugi, pagpaningkamot, pag-ampo plus swerte equals imong
kalampusan. Ug ania na ang mo giya kanimo idol…
iFM CDO Horoscope (January 10, 2020 – FRIDAY)
ARIES – Adunay daghan kaayong mga maayong trabaho apan
ang mga tawong dili mokooperar maoy mamahimong babag sa
maong trabaho. Kining mga tawhana kahibalo nga bisan gamay
ra ilang mabuhat, kahibalo sila nga tabangan sila sa kahitas-an.
Kung gusto nimong buhaton ang usa ka butang sa imong mga
pamaagi, buhata kini nga maginusara.
TAURUS – Sa pagsunod nato sa mga estorya aduna gayoy usa ka
karater nga mamahimong bida niini. Mao kini mamahimo nilang
estorya kay mao man kini ang ilang nasinatian labi na sa ilang
mga kalisod nga naagian. Apan ang usa ka estorya mamahimong
sundon ug usab makatubag kini sa imong mga pangutana. Ayawg
huna-hunaa nga usa ra ka solusyon sa usa ka pangutana. Kay ang
imong estorya adunay maayo ug daghan nga resulta kung e
konsiderar nimo ang tanan nga pamaagi.
GEMINI – Wala ka makontento sa usa ka butang labi na ang
kahiubos nga nasinatian nimo karon. Nakaapekto gayud kini
kanimo labi na kay gi personal gayud ni nimo. Basin pud ug gusto
nimong perpektuhon ang imong ginahimo? Ang Lunar Eclipse
makatabang kanimo pinaagi sa pagdawat ug pagpokos sa imong
mga prisipyo.
CANCER – Adunakay daghan nga gidahum nga mga butang ug
pagahimoon apan pangutan-a imong kaugalingon kung
makatabang pa ba kini kanimo tungod sa kadaghan. Nagpabilin
na lang kini nga listahan alang kanimo, tungod niini nalimtan na
nimo ug kung nganong gusto nimo kini. Pilia ang pangandoy nga
imo gayud nga buhaton ug ayaw ipadayon ang imong pagtigom sa
mga pangandoy nga dili nimo gapangitaan ug pamaagi nga
mahitabo.
LEO – Sa tibook nimong kasingkasing kahibalo ka kung unsa ang
mas maayo kanimo ug mao usab sa ubang tawo. Apan kanunay
ang mahitabo adunay mokontra gayud sa imong mga gusto labi
na ug aduna kay usbon sa mga naandan nga pamaagi. Para dili
ka mamahimong manikas sa uban, abrehe ang tanan linya labi na
ang linya sa komonikasyon.
VIRGO – Murag nakahibalo ka ug sakto ka sa usa ka butang ug
nasayud pud ka nga adunay mga mosupak. Apan ila usab na nga
katungod. Kung magkinaunsa, kinahanglan ka nga mobarog sa
imong kaugalingon. Aduna kay mga pagdani nga pagabuhaton
para makadepensa ug para makasiguro ka.
LIBRA – Mas maayo nga abtik ka ug porsegido sa mga kalisod
nga gisagubang karon ug mao kini ang imong kinahanglan gayud
nga pagabuhaton. Kini nga mga babag lisod kaayo mabantayan
apan gikinahanglan lang ang imong positibong panghunahuna.
Para masulbad nimo kini nga mga problema gikinahanglan nimo
ang taas nga pasensya, desiplina ug paglihok.
SCORPIO – Usahay nanginahanglan kita ug mas dako pa nga
litrato bag-o kita mosugod sa usa ka plano, apan usahay pud ato
kining dali-dalion kay dali ra usahay kini sa atoang panglantaw.
Pangitaa ang sinugdanan sa maong problema ug mao kini ang
tangtanga. Ang takdol nga bulan karon maoy makatabang
kanimo para makapokos sa maong issue nga nanginahanglan ug
atensyon.
SAGITTARIUS – Nanginahanglan kita ug sakto nga idea
mahitungod na sa tubag o reaksyon sa usa ka sitwasyon. Dili na
kinahanglan nga makiglambigit pa kita sa ubang tawo para
mahibaloan nato ang ilang reaksyon, kay kabalo man kita sa
atoang reaksyon kung mahimamat ang susamang sitwasyon.
Himoa lang ang labing maayo nga butang, pagkakalma ug
mosuporta sa ubang tawo.
CAPRICORN – Adunay isa ka butang ang inyong nasabutan sa
usa ka tawo, apan nawagtang na ang imong gana niani dili
kumpara sa kaniadto nga bag-o pa kini nahitabo. Kining kusog
kaayo nga panghitabo kaniadto padayon nga mikuyog kanimo
hangtud karong mga panahona. Kini nga panghitabo
mamahimong mokontrolar kanimo ug mamahimong mo aseso ka
o di kaha biyaan ug mopadayon ka na lang sa unahan.
AQUARIUS – Ang pagpraktis daw maoy makahimo nimong
perpekto. Ginahimo nimo ang maong butang tungod kay gusto
nimo kining himoon ug ang kahamogaway niini nga maihatag
kanimo. Ayaw ug usba ang imong nasugdan nga ginahimo kay
mao kini ang makaimbita ug di maayong resulta.
PISCES – E konsiderar daw nga aduna kay nahimo nga wala
nagmalampuson nga sukwahi sa imong nahunahunaan. Posible
kaha nga mag-apas ka nga mamahimo kang magmalampuson ug
perpekto? Kahibalo kita nga wala juy tawo nga perpekto nianing
kalibutana busa dili kita kinahanglan mag-gukod sa maong
estado. Ipaubos ang imong mga gustong mahitabo ug sumbanan.
Source: proastro.com
