Gusto ba nimong mahibaloan ang imong kapalaran karong buwana? Kini
giya lamang mga idol, timan-e? nga gikinahanglan ug kakugi,
pagpaningkamot, pag ampo plus swerte equals kalampusan sa kinabuhi.
Ania na ang mogiya kanimo idol.
iFM Horoscope (November 15, 2018 – Thursday)
ARIES – Mohatag ug tilimad-on ang kawanangan kanimo karon gumikan sa kapaspas nimo mohimo ug paghukom. Mamahimo pa kining mas komplikado hilabi na gyud kung kung nasayod ka nga gibase nimo ang maong hukom sa dili kompleto nga impormasyon ug nagtoo ka nga sakto na kini.Mabutang ka niini sa kakuyaw gumikan sa dili pa hinog nga desisyon. Hulati una ang pag-abot sa mga bag-o nga impormasyon.
TAURUS – Nakahunahuna ka na ba kung unsa ang imong buhaton kung kaya nimong pangulohan ang tibook kalibutan? Posible siguro nga mas unahon pa nimo ang imong kaugalingon kaysa kalibotan sa mga tao sa imong palibot. Ang pagdala sa kalibutan usa ka imposible nga butang apan ang pagdala sa imong kaugalingon pwede nimong pilion sa tanang panahon. Dili kini dali apan kaya nimong mabuhat sa imong kalibutan ang kausaban.
GEMINI – Kung nagtoo kita nga aduna kitay maayong makuha sa pagbuhat ug mga dilikadong butang, bisan pa man kung mahadlok kita niini, posible nga nga mogawas kita sa komportable natong lugar ug sulayan paghimo ang mga dili siguradong butang. Adunay mga butang nga makita nimong usa ka dinaghag nga lihok apan usa diya ka maayo nga lakang. Ang usa ka dilikado nga butang nga imong gustong buhaton karon posible nga imo ng ipadayon, siguraduha lang nga makadala kini kanimo ngadto sa saktong direksyon.
CANCER – Ang paningkamot nga imong gihatag sa usa ka pamaagi ang suportado karon sa usa ka pagpangga sa usa ka butang nga dool sa imong kasingkasing. Apan, gusto nimo karon ug kasiguraduhan nga kung unsa man ang imong gibutang sa usa ka lugar motubo kini sa saktong panahon ug matagbo niini ang unsa man ang mga gikinahanglan. Tagai ug importansya ang posibleng abton sa mga butang nga imong naadtoan. Mokuosg ra kini sa paglabay sa panahon.
LEO – Panganduyon nato taman sa atong mahimo ang pagtuman sa atong mga gusto, apan sayod kita nga ang panahon kanunay mohimo ug paagi aron atong kanunay nga tan-awon ang atong mga likod kung naunsa na ang atong mga nahimo. Posible karon nga magpangita ka ug solusyon sa butang nga dugay mo ng gihulatan nga matuman. Ang imo nalang buhaton mao ang pagsigurado sa usa ka lawom nga paningkamot aron buhaton ang plano ug masugdan kini.
VIRGO – Bation nimo karon nga gikinahanglan nimong itudlo ang mga butang nga klaro na kaayo sa imong atubanagn para sa ubang tawo. Ang imong makita naglambigit usab sa panagsagol sa pangutok ug lohika sa imong bahin, nga maoy mamahimong rason kung nganong medyo mamahimo kining lisud. Hinoon, ayaw pasagdi nga magpabilin lang sa imong kaugalingon ang mga nindut nimong hunahuna. Mas maayo kung imo kining ibahin sa uban, posible pa nga daygon ka nila gumikan niini.
LIBRA – Ang atong abilidad sa paghimo ug hukom ngadto sa uban mamahimong mas sunodsunod karon sa imong kalibutan. Ang mga post sa social media, maoy naghimo sa ubang tawo nga sayon kaayong punteryahon sa mga pagsaway, pagdaut ug respeto. Hinoon kung si kinsa man anag gusto ug respeto, kinahanglan iya kining makuha ug paningkamotan. Anaa ka karon sa usa ka nindot nga posisyon aron makakuha ug ingon niini nga respeto. KIung ipadayon lang nimo ang imong mga paningkamot, madawat nimo kini.
SCORPIO – Ang pagbati sa kaikag ug kahanas maoy mamahimo nimong ticket sa kalampusan karon kung ipadayon lang usab nimo ang positibong kinaiya ug lantawon ang tanan hagit isip oportunidad. Makatabang usab kini kanimo aron himoong masayaran sa uban ang imong gibati sa pipila ka mga butang nga direktang makaapektar kanimo. Apan moresulta usab kini sa pagkalangan o pagkausab sa imong mga plano, hinoon malipay ka nga nga gikonsedira nila ang imong mga panginahanglan.
SAGITTARIUS – Pagkahuman karon, ang imong mga pulong magdala ug gamay na lamang nga kabug-aton, hinoon bation na nimo ang mas hayahay nga paminaw sa pagpasa sa imong mga gustong isulti ngadto sa uban. Gamita ang imong tanan mahimo pag-abot sa mga butang nga gusto nimong buhaton, bisan pa man kung lahi ang pamaagi nga imong ginagamit. Posibleng masorpresa ka nga mosanib sa imong kiliran ang pipila ka mga tawo sa imong palibot gumikan kay makita nila ang imong pagmahal sa mga buluhaton.
CAPRICORN – Dili gyud mapakyas ang mga tawo sa atong palibot sa pagsorpresa kanato, apan sayud kita nga adunay mga sorpresa nga dili ingon niana kanindot. Mahinumduman nimo karon kung unsa ka importante ang pagtinabangay ug kung ngano nga kinahanglan kini nimong ipahibalo kanila. Posible usab nga makurat ka sa kinaiya sa uban tawo sa imong palibot, apan matingala ka kung nganong imon gihapon silang gisuportahan.
AQUARIUS – Ang sobrang pagdalidali sa pagkab-ot sa usa ka plano mamahimong usa ka tuburan sa kapakyasan kung dili kini mahitabo. Hinoon mamahimong mapasalamton ka usab sa panahon nga nahatagan ka ug panahon aron maningkamot ug molantaw sa kaugmaon alang sa mga butang nga kinahanglan nimong pangandaman. Kung aduna ka pay panahon, pwede unang hinay hinayon nimo pagbuhat ang mga gusto nimong atimanon, aduna kini epekto sa dagan sa imong utok.
PISCES – Usa ka hitabo ang mamahimong pagtulon-an alang kanimo nga una na nimong gitohoang dili importante. Kung unsa man ang butang nga imong giatiman karong panahona, mas nindot kini kung buhaton nimo kauban ang usa ka partner o higala. Ang lain lain ideya gikan sa usag usa moresulta sa usa ka mas lig-on ug nindot nga ideya ug pagsabot nga posibleng mamahimong sinugdanan sa usa ka panagtinabangay.
Source: proastro.com
