Gi-usab sa bag-ong Majority member sa Sangguniang Panlalawigan sa Misamis Oriental ang ilang patakaran sa pag-andam sa ilang annual budget.
Sa ilang first regular session sa 18th Council sa Misamis Oriental, ilang gi-aprobahan nga lakip na ang tanang miyembro sa Sangguniang Panlalawigan ang mo-apil sa pag-andam sa ilang matag tuig nga Budget sa Sangguniang Panalawigan, matud pa ni Board member Gerardo Sabal III.
“Dili pareho sa una nga ang mag-prepare sa among annual budget sa Sanguni-ang Panlalawigan, ang Vice governor ra ug ang Board secretary, karon kami na tanang membro sa Sanguni-an ang mag-prepare sa among annual budget” matud ni Sabal.
Matud ni Sabal nga sa sunog tuig ang matag opisina sa tanang miyembro sa Sangguniang Panlalawigan duna nay kaugalingong pundo.
Gibutyag ni Sabal nga sa ingon niini nga paagi, sayon alang sa mga board member ang paghatag tabang sa ilang mga constituents nga nagkinahanglan sa ilang serbisyo.
Matud ni Sabal nga sa ilang daan nga set up, moduol pa sila sa Besi gobernador aron mangayo og pundo sa oras nga dunay ilang mga constituents nga mangayog tabang kanila.
“Ang among tuyo niini nga makalihok kami dayon kon naay mangayog tabang kanamo kay ang among tumong mao ra man ang pagserbisyo” matud ni Sabal.
Sa pikas nga bahin.
Gi-aprobahan usab sa 18th SP sa Misamis Oriental ang ilang bag-ong House rules ug ilang 27 ka mga committees, ang mga chairman niini nga mga Committees ug ang ilang mga Committee members.
Si Board member Leonard Winstanley, maoy Chairman sa Committee on Barangay Affairs and Cooperative, Fisheries and Aquatic.
Si Board member Sabal chairman sa Committee on Education, Arts and Culture, Environment Protection, Ecology and natural Resources ug Human rights, Public Information, Good governments.
Board member Dexter Yasay, Chairman sa Committee on Energy Transportation and Communication ug Ways and Means.
Board member Eric Khu, Chairman sa Committee on Agriculture and Food Security, Trade and Commerce, Industry, Investment and entrepreneur.
Board member Wyne Militante, Chairman sa Committee on Finance Appropriation and Budgets Housing rural and Urban Development.
Board member Kerwin Soldevilla, Chairman sa Games and Amusement, Youth and sports Development.
Board member Nancy Madjos, Chairman sa Committee on Health and Sanitation, Infrastructure, Public works and Public Utilities,
Board member Jessa Josephine Mugot, chairman sa Committee on Labor and Employments Opportunities.
Board member Virgilla dumadag, Chairman sa Committee on Peace and Order, Public Safety, Police, Military and Jail Matters, Womens, children and Family Relations.
Board member Syremare Emano, Chairman sa Committee on Social Services.
Samtang si Vice Governor Jigjag Pelaez Chairman sa Committee on Agrarian Reform.
Matud ni Sabal nga dili mabalaka si Pelaez nga usa ra ang iyang committee chairmanship kay ex-oficio member man siya sa tanang committees sa Sangguniang Panlalawigan.
