Ginluthang patay sang riding in tandem ang isa ka lalaki nga nagasakay sa trisikad upod sa iya iloy sa atubang sang Barangay Hall sang Brgy. Old Sagay kahapon sang aga.
Ginkilala ang biktima kay Erwin Yu, residente sang amu man nga barangay.
Sa impormasyon nga nakuha sang DYHB, nagpadulong ang biktima sa barangay hall para kuntani mag atubang sa reklamo batuk sa iya apang ini ang ginluthang sang nagahulat nga mga suspek.
Nakaangkong sang multiple gunshot wounds ang biktima. Narecover ang 7 ka mga basiyo sang armas luthang sa crime scene.
Gilayon man nga nagpalagyo ang mga suspek matapos ang insidente.
Sa karon padayon pa ang imbestigasyon sang Sagay City PNP angut sa amo nga krimen.
[image: image.png]
Facebook Comments
