PATAY GID! Lalaki, ginluthang-patay sa Brgy Agdahon, Cuartero!

747

Cuartero, Capiz – Patay ang isa ka persona matapos ini ang ginluthang mga alas 12 sang udto sa Brgy. Agdahon, Cuartero, Capiz.
Ginkilala ang biktima kay Jayson Gallardo, tumandok sang Brgy Centro, Dao kun sa diin nag-angkon sang lima tanan ka kapilasan sa lawas matapos nga ginluthang sang wala pa ginhingadlan nga suspetsado.
Suno sa imbestigador sang Cuartero PNP nga si Police Staff Sargeant Dayalo, pabalik na sa ila poluy-an ang biktima matapos gindul-ong ang ugangan sini padulong sa Brgy Mainit, Cuartero sang siya ang ginbanggan sang suspek.
Nagluntad ang pagsabtanay sa tunga sang mga ini nga ginsundan snag paggabot sang suspek sang .45 caliber pistol kag insigida nga ginpaarakan sang luthang ang biktima nga kabangdanan sang gilayon sini nga kamatayon.
Narekober sang mga nagresponder nga mga kapulisan ang lima tanan ka empty shell kag duha ka slug sang .45 caliber pistol.
Nahibaloan nga matapos ang insidente, madasig nga nagpalagyo sakay sa motorsiklo ang suspek.
Sa subong may yara na sang ginasunod ang mga kapulisan nga identity sang persona nga posible reponsable sa amo nga krimen.

www.avast.com/sig-email?utm_medium=email&utm_source=link&utm_campaign=sig-email&utm_content=webmail>


Facebook Comments

From Advertisers