Malinao, Aklan — Nakilaea eon rong patay nga nakita kaina it agahon sa likod it simabahan kung banwa it Malinao.
Raya hay si Gery David, 50-anyos, Barangay Kagawad it Brgy. Malandayon, Malinao.
Nakitaan raya it tama sa anang tiyan ag itsura.
Suno sa anang gumankon nga si Michael Indemni nga nagpanaw sanda kabii sa namatyan pero bago pa man sanda nakahapit sa namatyan hay nagpa Numancia anay sanda ag paghalin sa Numancia nagpanamatyan sanda sa may Sta. Cruz.
Matapos mag-adto sa namatyan nag hapit sa sangka baraka nag-inum inum kaibahan si Rosel nga naha agi sa lugar ag kilaea man nanda.
Samtang sanda naga inum-inum may nag abot nga tatlo ka mga persona nga nagbakae it sigarilyo sa baraka nga no ulihi nagbais pa nga ginsaway it biktima.
Ko ulihi nag-eaong ro biktima sa anang mga kaibahan nga ma ihi, pero ko ulihi nahangawa sanda nga uwa ta gihapon maka balik hasta nga gin inusoy ag uwa raya makita ag kainang agahon hay nakita raya sa likod it simbahan sa Pob.Malinao.
Naga kangawa makaron si Michael kon paano haadto ro anang tiyo sa may likod it simbahan nga ro andang gin imnan hay kapin dos kilometros sa nakitaan it bangkay.
Samtang nadakpan man eagi ro 2 ka mga suspek kung sa siin raya hay puro mga minor de edad, samtang may sambilog pang at-large.
Rayang mga suspek hay tanan residente it Brgy. Manhanip, Malinao.
Kon matandaan nga nga si David hay nakilang patay kaina it agahon sa may likod it simbahan sa Poblacion, Malinao nga may lastro sa tiyan ag sa itsura.
Padayon sa gihapon rong imbestigasyon it Malinao PNP.
