Nag-abot eon sa kapin 207 samtang indi magnaba sa 450 rong ninahan rong ninahan sa waeong magkasunod nga pagsabog sa Sri Lanka kadungan ko pagselebrar it Easter Sunday kahapon.
Tatlong simbahan, ap-at nga hotel ag sangka baeay rong ginpasabog nga ginakabig pinakaunang major attack sa Indian Ocean Island umpisa nagtapos rong civil war ko nagtaliwang dekada.
Kaeakip sa mga namatay sa pagsabog ro 30 ka mga taga-India, Turkey, China, America ag Britanya.
Pito man rong gin-aresto nga ginapatihang mga suicide bombers.
Naka-lock down man eon rong haeos 21 milyon nga residente sa Colombo ag ginabawae rong access sa social media ag messaging sites kaeakip rong Facebook ag Whatsapp.
Sa National Security Council, nadiskubrehan ni Sri Lankan Prime Minister Ranil Wickremensinghe nga may naga eaptang pagpaandam, sang dominggo baro ro pagpang-atake pero uwa raya ginpahisayod kana.
Nagpaabot man it pagkondena ag pagkasubo rong pila ka mga world leaders samtang nagpanawagan man si Pope Francis it pagbilog sa Christian community ag ipangamuyo rong tanan nga biktima it makangilidlis nga pagpang atake.
