Bukas ang Philippine Drug Enforcement Agency sa tanang diskusyon ug binayloay sa inputs kalabot sa mandatory drug test.
Kini human sa reaksyon sa Department of Education nga nagdumili nga malakip ang Grade 4 pataas sa gidusong mandatory drug test.
Matud ni PDEA Spokesperson Derrick Carreon, suhestiyon pa lamang ang nabuksan sa ahensya ug bahala na ang Dangerous Drugs Board nga maglatag sa guidelines sa pagpatuman sa maong lakang.
Matud pa nga mas magbilin sa stigma sa mga nasa Elementarya kung random lamang ang himoong drug test.
Ang sugyot matud pa nga usa lamang prevention ug protection measures human sa mga naluwas nilang mga bata nga gigamit sa pagbaligya sa illegal drugs.
Nabalaka usab sila sa sunod sunod nga pagkaaresto sa pipila ka mga magtutudlo sa Mindanao nga nalambigit sa pagpamaligya og droga.
Gusto usab sa PDEA nga kung dunay guidelines nga mamugna ang PDEA, iduso nila nga himoon usab kini sa tertiary level ug himoong mandatory sa mga estudyante ang pagpa-ubos sa drug test.
