Gireklamo sa usa ka ginang ang Philippine Drug Enforcement Agency o PDEA Region 10 human nawala ang iyang mga kwarta ug alahas atol sa drug buy bust operation.
Gihimo ang operasyon niadtong Huwebes sa Zone 3, Barangay Bugo ning syudad sa Cagayan de Oro diin nasikop ang negosyanteng si Albert Saarenas.
Gibutyag sa asawa sa suspek nga si Demetria Saarenas nga nawala atol sa operasyon ang iyang upat ka kwentas nga nagkantidad sa 26 mil pesos, duha ka bracelet, duha ka singsing, duha ka arites ug cash nga mokabat sa 73 mil pesos.
Samtang ang maong alegasyon hugot usab nga gipanghimakak ni PDEA Agent Ben Calibre.
Matud ni Agent Calibre nga sa kadaghan sa ilang operation sa mga big time nga drug personality wala sukad sila nanguha og mga personal nga gamit.
By: RadyoMaN Annaliza Amontos-Reyes
PC: RadyoMaN Anne Jane Duhaylungsod
