PDEA-XI: Drug den na-dismantle sa Agdao, P165K nga balor sa shabu nasakmit

59
Davao City – Arestado sa buy bust operation sa Philippine Drugs Enforcement Agency (PDEA-Xl) ang tag-iya sa drug den nga giila nga si Geneal Almadin, 34 anyos, ulitawo ug residente sa Purok West B, St.Anthony, Barangay San Antonio, Agdao, Davao City.

Sumala sa report gikan sa PDEA-XI, malampusong napalitan ang suspek og usa ka pakete nga shabu nga motimbang sa usa ka gramo nga dunay street value nga P15,000.

Nasikop usab ang laing duha ka bisita sa drug den nga sila Duevard Made John Bactong ug Leane Romar Lubiano.

Nakumpiska sa awtoridad ang laing duha ka heat sealed transparent plastic sachet nga shabu nga dunay nagkalain-laing gidak-on nga motimbang og kapin kun kulang napulo (10) ka gramo nga adunay street value P150,000 lakip na ang nagkadaiyang illegal drug paraphernalia ug buy bust money.

Kasong paglapas sa Republic Act 9165 o Comprehensive Dangerous Drugs Act of 2002 ang atubangon sa mga suspek.

RadyoMaN Don Pulayao

Facebook Comments