Pamilya sa Senior Citezen sa Labangan nga ang balay gidauban sa kaugalingong apo, kombinsido nga mupasaka og kaso sa suspek

29
Labangan, Zamboanga del Sur – Kumbinsido nga mupasaka og kaso ang pamilya sa apohan nga si Arsenia Facelo nga ang balay gisunog sa kaugalingong apo alas 8 ang takna sa gabii sa Purok Mauswagon, Brgy. San Isidro, Labangan, Zamboanga del Sur.
Base sa pamahayag sa hepe sa Labangan MPS nga si Police Major Julieto Asienero sa eksklusibong interview sa RMN DXPR ug 96.7 iFM kagahapong sa buntag kumbinsido ang pamilya ug giandam na nila ang kaso nga Arzon.
Atubangon sa suspek nga si Jhon Mark Torres alyas “Juan” 23-anyos ug residente sa maora nga lugar ang maong kaso ug plano usab sa mga kapulisan nga ipailalom kini sa drug test.
Base sa pasiunang report nga nakalap sa RMN News Team nga nangayo matud pa kining suspek og pangtagay nagdto sa iyang apohan apan wala nakahatag ang lola rason nga gisunog ang maong balay.
Dugang pa sa hepe nga palapdan pa nila ang imbestigasyon lahos na ngadto sa mga posibling mga kaubanan nga ga-instigate aron pasakaan usab og kaso.

Facebook Comments