Bukidnon – Naka-andam na ang Provincial Disater Risk Reduction and Management Council kon PDRRMC Bukidnon alang sa 1st Quarter Nationwide Simultaneous Earthquake Drill ugmang adlawa (Huwebes).
Sa interview sa RMN ngadto kang PDRRMC Head Israel Johan Damasco gibutyag niini nga ang drill ugma tumong mahingusgan ang Disaster Preparedness ug Disaster Resilience Communities.
Gitandog sa DRRMC ang publiko nga makighiusa sa ilang kampanya karon nga adunay temang: ‘bida ang handa’.
Giawhag sa buhatan ang tanan, hilabi na ang mga residente ug empleyado, nga makiglambigit ug muapil sa nahisgutang earthquake drill, nga mahinungdanon matud pa aron masayran ug masa-ulo sa katawhan ang mga kinahanglan ug angayang himuon, kon may mahitabo nga linog.
Kini pinaagi sa ilang banner nga Bida ang Handa.
