Dili epekto sa grabeng kainit sa panahon ang managsunod nga kusog nga linog sa Luzon ug Eastern Visayas.
Kini ang giklaro sa Philippine Institute of Volcanology and Siesmology o Phivolcs human ang nahitao nga 6.1 magnitude nga linog sa Zambales niadtong Lunes nga gisudan sa 6.5 magnitude nga linog sa Eastern Visayas niadtong Martes sa hapon ug sa 4.7 nga linog sa Davao Oriental kagahapon.
Samtang sa interview sa RMN Malaybalay ngadto kang Marcial Labininay ang regional director sa Phivolcs 10 giklaro niini nga wala usay koneksiyon ang linog sa Luzon ug sa Visayas.
Gibutyag usab ni Labininay nga normal lang gayod nga adunay mahitabo nga linog maong kinahanglang kanunay kitang magbinantayon.
Gidugang usab sa Phivolcs nga normal ang sitwasyon karon sa mga earthquake generators sa rehiyon 10.
Samtang naghatag usab ug tips o giya ang Provincial Disaster Risk Reduction and Management Council kon PDRRMC Bukidnon kung unsay himoon saw ala pa ang linog.
Sa interview sa RMN Malaybalay ngadto kang Jun Torayno, ang operations officer sa PDRRMC Bukidnon gibutyag niini nga kinahanglan nga mag-andam ug mga pagkaon nga dili na kinahanglang ibutang sa refrigerator.
Ikaduha, kinahanglan nga adunay himoon nga pagbansay-bansay o drill diha kada pinuy-anan o pamilya aron dili magpanic.
Ikatulo, kinahanglan e-secure ang balay gikan sa mga bug-at nga mga butang nga posibleng mahulog kung adunay linog.
Ug kinahanglan usab nga ipalayo daan ang mga flammable liquids sama sa gasolina diha sa panimalay aron makalikay sa sunog.
