Maga-request sang dugang nga personnel ang Provincial Disaster Risk Reduction and Management Office (PDRRMO) matapos ginpa-idalom sa swab test kag gin-quarantine ang 15 sa ila matapos nagpositibo sa COVID-19 ang isa nila ka upod nga residente sang banwa sang Murcia.
Sa interview sang DYHB kay Provincial Disaster Management Program Division Head Zeaphard Gerhart Caelian, ginkumpirmar sini nga lakip siya sa 15 nga mga gin-quarantine sa Mambucal Resort upod sa pila man ka personnel sang Philippine Coast Guard matapos nagpositibo sa coronavirus ang 47-anyos nga ambulance driver sang probinsiya nga residente sang Purok New Site, Brgy. Minoyan, Murcia.
Bangud nga naka-quarantine sila, ginpahayag ni Caelian nga nag-suspend sila anay sang operasyon kag maga-request ini sang dugang nga personnel gikan sa provincial government. Nagalaom man si Caelian nga mag-negatibo sila sa swab test agud makabalik naman sa trabaho ilabi pa nga lapit na lang matapos ang 2-week moratorium sang pagpauli sang mga locally stranded inviduals (LSI).
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
