Peacetalks hatagan og tsansa

10

Davao City – Nagto-o ang Chairman sa Indigenous People (IP) Peace Panel nga magkatugma ra ang panghuna-huna nila ni Pres. Rodrigo Duterte ug Davao City Mayor Inday Sara Duterte Carpio sa lakang nga pagbalik sa peacetalk tali sa mga New Peoples Army (NPA) human gipaundang sa presidente ug naglusad na og giyera batok rebeldeng grupo.

Sumala ni IP Peace Panel Chairman Atty. Reuben Lingating, dunay gihatag nga 60 diyas nga deadline ang pangulo alang sa mga rebelde ug posibleng mausab pa ang huna-huna sa mayor sa syudad sa Davao.

Dakong uyon si Lingating sa pagpabalik sa peace process ilabi na nga representante siya sa katawhang lumad nga maoy madali sa pag-ani sa mga rebelde aron mosukol sa gobyerno.

Giingon ni Lingating kinahanglan gyud nga ibalik ang panghinabing kalinaw kay mao usab kini ang singgit sa mga lumad tungod kay bililhon kini aron maangkon ang kalinaw.

Samtang gitataw usab ni Lingating nga normal lamang nga gamiton sa mga kalaban sa kagamhanan ang hinabing pangkalinaw aron makapwesto ang ilang pwersa aron mapakusog ang ilang pundok.

RadyoMaN Bernard Pantallon

Facebook Comments