Nasapon ang usa ka Pedicab drayber lakip na ang usa ka menor de edad human kini naaktuhan sa mga kapulisan nga nag ronda nga matod pa gituohang nangawat kini ug mga prutas nahitabo didto sa lungsod sa Sindangan niadtong adlaw sa mga santos.
Naila ang suspek nga si Derson Abapo AliƱo, 39 anyos, usa ka pedicab driver uban ang usa ka menor de edad nga si āMarieā Dili tinuod nga pangalan ang duha molupyo sa brgy. Lawis sa maong lungsod.
Ang maong mga suspek nakadala kini ug duha ka kahon nga Orange fruits, apple nga gisulod sa kolor green nga sako ug daghan pa nga mga lamas nga ginaling ang nakuha.
Matod pa, samtang nagpahigayon ug mobile patrol ang kapulisan partikular mente sa Bonifacio St. atbang sa Caltex Gas Station. Nakita nila ang usa ka pedicab drayber ug usa ka bata nga karga lakip na ang sako nga adunay sulod nga mga prutas.
Pero sa dihang nakita sa drayber ang mga pulis, ge usab sa drayber ang direksyon sa iyang pedicab ug gisulayan kini niya pag ikyas.
Apan naharang kini sa kapulisan ang maong drayber ug nakuha sa posisyon sa suspek ang mga kinawat nga prutas nga nahisgutan sa unahan. Nagtuo usab ang kapulisan sa Sindangan nga gikuha kini didto sa mga fruit stall nahimutang sa luyo sa freedom stage sa Municipal plaza.
Dugang pa sa imbistigasyon nga ang duha ka kahon nga orange ug apple gipag-iyahan ni Francisca Aquino Y Alabado, 62 anyos, samtang ang mga ginaling nga lamas gipanag-iyahan ni Nenita Villalon Y Barillo, 61 anyos pulos molupyo sa Sitio Gusa, Calatunan, lungsod sa Sindangan.
Ang suspek tingkagol na sa balay bilangguan sa Sindangan samtang ang bata gi hatod na kini sa Women and Children’s Protection Desk (WCPD sa maong lungsod.
