Sa interview sa RMN Malaybalay ngadto kang Vergilino Alima, PENR Officer sa Bukidnon, gibutyag niya nga ang buffer zone sulod gihapon sa management sa Protected Area Management Board (PAMB) diin gikonsiderang forestland o timberland areas nga iya sa gobyerno maong ginadili ang pagpamaligya niini.
Dugang pa ni Alema nga ang mga katawhan nga nanimuyo sulod sa buffer zone, gitagaan og katungod nga makapahigayon sa ilang mga panginabuhian isip steward kon tigbantay sa kinaiyahan apan ginadili gayud ang pagpamaligya sa maong yuta.
Ang buffer zone sumala pa ang mga areas nga anaa sa tiilan sa Mt. Kitanglad ug Mt. Kalatungan diin aduna nay mga mohon nga nakamontar isip timailhan sa paglakip niini sa protected areas.
Sa karon, ginapahigayon na sa buhatan ang makuting imbestigasyon pagsuta sa mga indibidwal nga namaligya sa maong mga luna partikular na sa lungsod sa Talakag ug uban pang mga lugar sa probinsya.
Maong sobleng pagpahinomdom sa buhatan, nga dili lang ang namaligya maoy manubag basi sa balaod apan lakip na usab ang nagpalit sa maong mga kabtangan.
