Paghingusog sa mga programa sa barangay, tinguha sa Liga ng mga Barangay regular session sa Manolo Fortich

Gitinguha sa gipahigayong regular session sa Liga ng mga Barangay sa lungsod sa Manolo Fortich nga mapahingusgan ang mga programa sa matag barangay sa lungsod.

Unang gihisgutan sa session kagahapong adlawa ang pagsapinal sa 2023 Capacity Building Seminar on Barangay Fiscal Management and Governance, lakip usab ang Barangay Seal of Good Local Governance, Barangay Procurement System ug Barangay Disaster Management and Climate Change Adoption.

Nahimong bisita sa katiguman sila si Committee Chair on Tourism Konsehal Rina Quiño, Municipal Accounting Head Nestor Tabaco ug Municipal Budget Head Graham Delco aron e-presentar ang Banog-Banog Activities ning tuig.

Anaa usab si Motorpool Head Allan Manalo aron ipadayag ang Peso-Peso Program sa lokal nga Kagamhanan sa lungsod. Laraw niini nga mapasabot sa mga kapitanes ang programa kung asa gawas sa pundo gikan sa barangay, aduna usay pundo nga makuha gikan sa Lokal nga Pangagamhanan katunga sa kinatibuk-ang pundo nga gikinahanglan alang sa proyekto.