Nagbayad og P500 milyon ang Philippine Health Insurance Corp. (PhilHealth) o katunga sa P1.1 bilyon nga utang niini sa Philippine Red Cross (PRC) para sa COVID-19 swab tests nga ilang gipahigayon.
Mismong si PhiHealth President ug CEO Dante Gierran ang nagkumpirma nga na-release na sa PhilHealth ang P500 milyong partial payment nila sa PRC ug iyang gisiguro nga ilang paspasan ang proseso aron mabayaran ang nabilin nga balance ug samtang istriktong ginatuman ang accounting rules ug regulations sa gobyerno.
Una nang giundang sa PRC ang pagpahigayon og swab tests nga naka-charge sa PHilHealth.
Giingon sa PRC nga mubalik lang sila sa pagpahigayon og swab test sa oras nga makabayad na sa ilaha ang PhilHealth.
Facebook Comments
