PHO-AKLAN NAGPAANDAM SA PAGTAAS IT KASO DENGUE

Kalibo, Aklan – Nagpaandam ro Provincial Health Office PHO-Aklan sa publiko sa gina ekspektar nga
pagtaas it kaso’t dengue makaron nga tig ueoean.
Base sa rekord it PHO-Aklan nagtaas it 29% ro kaso it dengue sa probinsiya halin buean it Enero hasta’t
buean it Hulyo makaron nga dag-on nga may 696 cases ikumparar ko nagtaliwan nga dag-on nga may
una eamang nga 536 cases .
Kaeabanan nga nagkaroon it dengue sa Aklan una sa edad 11 hasta 20 nga may 245 cases.
Ro banwa’t Kalibo ro may pinakaabong kaso nga umabot it 156. Ginasundan it banwa’t Batan nga may
63 cases ag Altavas nga may 55 nga kaso.
2 man ro na-irekord it PHO-Aklan nga patay bangud sa dengue.
Nagapangabay gid ro PHO-Aklan nga malikawan ro paglala it dengue paagi sa pagpakunsulta sa health
centers o hospital kon mabatyagan ro mga sintoma kapareho it eagnat, sakit ueo, pagpaeanakit it unod
ag kasukasu-an, pagkahilo, pagsuka, kawad=an gana sa pagkaon ag skin rashes…