Laoag City – “Awan ti Novel Corona Virus (nCoV) iti Ilocos Norte iti agdama” – Daytoy ti impakaamo ni Dr. Josephine Ruedas mangidadaulo ti Provincial Health Office.
Kinunana a ti rimuar a damag nga adda tallo (3) a pasiente a maobobserbaran iti Ilocos Region ket saan a kayatna a saw-en nga aggapu iti probinsia ti Ilocos Norte.
Numan pay kasta, gutgutigotenna dagiti umili ti kanayon a panagsaluad ti bagbagi babaen ti kanayon a panagdigos, panagbuggo ti ima ken agusar ti sanitizer wenu alcohol.
Iti agdama adda ti insagana ti Mariano Marcos Memorial Hospital & Medical Center (MMMH&MC) iti siudad ti Batac nga isolation room para kadagiti masuspetsaan a pasiente mainaeg ti novel Corona Virus (nCoV).
Segun ken ni Dr. Marie Joyce Urnos Santos, Infectious Disease Specialist , a saan nga agpaypayso iti agwarwaras kaso ti corona virus met a maipagarup a naiconfine iti MMMH&MC. (Bernard Ver and Abcede Castro, RMN News)
