General Santos City–Duha ang kompermadong patay samtang usa ang nagpabilin karon sa balay tambalanan sa General Santos kini human malambigit sa aksidente sa kadalanan udto kaganina lang sa may national highway Sitio Buayan, Brgy. Malandag, Malungon, Sarangani Province.
Subay sa report ni Police S/Insp. Arman Tuban, deputy station commander sa Malungon Police Station, ilaha ng giila ang mga namatay nga silang Norman Cagalitan, driver sa pickup truck, og kauban niining giilang si Ronald Lora, samtang ang samdan ang giilang si Philip Tan Saurm nga maoy-tag-iya sa pickup truck.
Sa imbestigasyon nga gihimo sa Malungon PNP parihong ginalawig sa pick up truck, delivery truck sa San Miguel Corp og Dump truck ang National Road sa may Sitio Buayan Barangay Malandag Malungon sa dihang nawad-an matud og preno o control ang drayber sa prime mover hinungdan nga gidaru niini ang anaa sa unahan nga pick up truck rason nga naduso usab ang pick up truck sa sampot sa dump truck og maoy hinungdan sa pagka ipit sa mga pasahero sa pick up truck.
Samtang subay sa pamahayag sa pipila ka mga nakasaksi sa panghitabo nga nadugayan matud pa ang pag rescue sa mga biktima tungod sa gigamitan pa og mga special nga ekipo aron mapadali ang paghulbot sa mga biktima gikan sa sulod sa pick up truck.
Sa pagkakaron ang mga drayber sa prime mover og dump truck ang gunit na sa Malungon PNP alang sa dugang imbestigasyon.
Photo Credit to: Nico Facurib Gabayeron
