Boracay, Island – May mga nagpameke it Environmental Compliance Certificate (ECC).
Raya ro naging pahayag ni DOT Secretary Bernadette Romulo-Puyat sa ginpatigayon nga soft opening activity it Boracay Inter-agency Task Force kahapon.
Suno kana nga ginapahinugutan eon nanda rong DENR para nga mapasakaan raya it kaso.
Mag-eowas kara maabo man sandang nababaton nga reklamo angot sa mga hotel nga nagabaton it bookings maski bukon pa it compliant.
Sa pihak nga parte, nagpadumdom man raya sa mga hotel ag resorts owners nga indi magbaton it bookings ag mag post sa social media kung sayod nanda nga bukon pa it compliant sa DENR, DILG, DOT, ag sa Lokal nga gobyerno it Malay.
Posible man suno kay Puyat nga madugangan pa rong sa listahan it mga compliant hotels sa masunod nga mga inadlaw kon makatapos sanda it inspection ag mataw an nanda it certificate of compliance.
