Kalibo, Aklan— Bangud sa kahadlok rason nga nag-voluntary appearance sa mga katapo it otoridad ro daywa sa mga nakaguwa nga ex-convict sa probinsiya it Aklan.
Sa exclusive interview it RMN DYKR Kalibo sa 51-anyos nga na convict sa kasong Rape, ginpahayag kara nga owa raya makatueog bangud sa kahadlok matapos ro naging pagpahayag ni Presidente Duterte nga ginapasurrender ro mga indibidwal nga ginpahilway pina agi sa pagpirma ni USEC Nicanor Faeldon it Bureau of Corrections sa andang mga GCTA.
Madumduman nga nagtuhaw ro issue angot sa “GCTA for sale” nga kalakaran sa sueod it BuCor matapos ginpausisa sa Senado kung sa siin insigida nga nagmando si Presidente Duterte nga magsurrender kutob sa mga ginpaguwa sa pagdumaea ni USEC Faeldon.
Suno kana nga na convict raya sa 2 counts of Rape sa edad nga 19-anyos ku 1987 matapos ginhimuslan ro sangka 27 anyos nga babaye sa Cebu.
Nagpanindugan raya nga uwa imaw maging ro anang pamilya it kapasidad nga magbayad it linibo o milyones para sa GCTA bangud sa kapigaduhon.
Kapareho man ro naging pagpahayag it sangka 56-anyos nga naconvict sa kasong Murder ku 1996 ag nasentesiyahan it 34-anyos nga pagkakulong kung sa siin ginpaathag kara nga nagpakatino raya sa presuhan kabangdanan nga nagnami ro anang record ag naka avail it GCTA.
Ginpahayag it mga raya nga uwa sanda it intensyon nga magpanago pa sa laye bangud natapos eon ro andang sintensiya ag gin antusan eon nanda ro andang ginhimo nga saea.
Ro gustong matabo it daywa hay mabuligan sanda nga magpresentar sa Bureau of Corrections para sa revalidation ag evaluation it andang records.
May panawagan man ro 51-anyos nga ex convict kay Presidente Duterte nga kaeouyan sanda nga nag agi sa ensaktong proseso ro pagpahilway ag mataw-an sanda it chansa nga magbag-o.
#TatakRMN #RMNnewsExclusive
