General Santos City— Gipahigayon kagahapong adlawa, Nobyembre 24 ang pinaka-unang Children Summit sa dakbayan kung asa kini ang gitambungan sa managlahing sektor sa mga kabataan, organisasyon ingon man Depertment Of Education.
Sumala kang Jang Odoya sa City Socical Welfare And Development Office nga usa ka maayong lakang ang maong aktibidad gumikan ang mga kabataan mismo ang nag-identify sa ilahang mga problema sulod man sa panimalay o sa kumyunidd.
Sila usab ang mihatag ug rekomendasyon aron nga kini masulbad, rason nga sila sa CSWDO ang maghimo ug pamaagi aron nga mapondohan sunod tuig ug ma-implementa.
Pamahayag niini nga mahimo ng matag tuig ang maong aktibidad,tumong niini aron nga masayran kung epektibo ang maong lakang ug hingpit ng mawala ang mga batang latagaw nga sagad nahimo ng problema sa kumyunidad.
Samtang, dako ang panghinaut ni Gensan City Mayor Ronnel Rivera nga mahimong tubag sa problema sa mga batang latagaw hilabi na Children In Conflict with Law (CICL) ang maong Children Summit.
Dugang pa ni Mayor Rivera adunay mandato ang tanang lokal nga panggamhanan nga tabangan ang mga kabataan, ug mapalayo sa managlahing krimen.
Apan gipaklaro sa mayor nga dili lang kini trabaho sa lokal nga panggamhanan kundili, lakip kini nga responsibilidad sa kumyunidad. sa karon matud pa adunay mga inisyatibo ang lokal nga panggamhanan sa paghatag ug ayuda ngadto sa mga kabataan sama nalang sa pagpahigayon ug feeding program.
Tumong niini aron nga malikayan nga mag-undang sa pagtungha ang mga kabataan sa rason nga walay makaon.
