Gikumpirma na sa Inter-Agency Task Force kon AITF –Malaybalay ang pinaka-unang kaso sa local transmission sa siyudad.
Kini mao ang ika-case number 35, usa ka 41 anyos nga babaye nga taga Brgy. 9 kinsa adunay stall sa merkado publiko nga nagbaligya ug mani.
Nasayran nga na-admit kini sa pribadong hospital niadtong Agosto 25 ug gi-swab ug nigawas adtong Setyembre 1 ning tuiga ang resulta, kung asa positibo kini.
Gibalhin gilayon kini sa BPMC ug karon wala nay sintomas ang mao nga pasyente.
Sa interview sa RMN Malaybalay ngadto kang Nene Belisario, ang spokesperson sa AITF gibutyag niini nga nasuta sa City Incident Management Team ug City Health Office nga walay travel history ug walay history of exposure sa kumpirmadong kaso sa COVID ang mao ang pasyente.
Tungod niini, gilayon nga temporaryong gisira ang iyang stall ug mga katapad nga stall sa merkado.
Matud ni Belisario nga aduna nay halos 30 ang mga na-contact trace sa contact tracing team sa dakbayan.
Apil ninii ang 15 ka mga health workers sa pribadong tambalanan, 7 nga nakauban ug puyo sa pasyente, ug 5 nga naka-uban sa iyang stall.
Sa karon, gi-swab na ang maong mga na contact trace ug lauman nga mugawas ang resulta sa RT PCR test karong adlawa.
Alayon niini, nasabutan sa AIFT nga wala unay himoon nga tabo karong adlawa hangtod Dominggo aron makapahigayon sila sa dis-infection sa merkado publiko.
Hinoon padayon ang operation sa wet market ug dry goods section uban sa istriktong pagpatuman sa health protocols.
