HINOBA-AN, NEGROS OCCIDENTAL- Public Information Officer (PIO) sang banwa sang Hinoba-an, patay matapos ginluthang pasado las 11 sini nga aga, Abril 12.
Ginkilala ang biktima nga si Hernani Gustilo, Jr. 40 anyos sang Barangay Bacuyangan banwa sang Hinoba-an.
Ang biktima ang gin luthang samtang naga lakat sa dalan malapit sa videokehan sang suspek nga ginkilala kay Itik Pamplida.
Duha ka igo sa dughan nga nag lapos sa iya likod ang naangkon sang biktima nga gintuna-an sang iya hinali nga kamatayon.
Sa imbestigasyon sang kapulisan nagaguwa nga tiyo sa pakaisa sang biktima kag ang suspek.
Isa sa ginalantaw nga motibo sa pagpatay amo ang away personal kag madugay na nga hinigut-anon.
Ang biktima ang naga programa man sa isa ka lokal FM radio station sa amo nga banwa.
Ginpahayag ni Mayor Ernesto Estrao nga wala sang pulitika sa natabo.
