General Santos City–Giangkon ni Police Sr. Supt Raul Supiter, City Director sa Gensan City Police Office nga base sa ilang mga imbestigasyon dunay mga record may kalabutan sa droga ang ubang mga biktima mga pagpamusil dinhi sa syudad sa Gensan.
Apan luyo niini gibutyag ni Col. Supiter nga padayon nila kining ginaimbestigahan aron katagaan ug sulosyon ang kaso.
Kahibaloan nga sulod lang sa duha ka semana anaa na sa lima ang biktimang gipusil sa syudad ug ulahing biktima niini ang usa ka panday nga si Teddy Boy Montero sa may Bulaong Sextension, Brgy Labangal kinsa gikaingong naalaan lang dihang gipusil sa wala pa mailhing mga suspetsado og kasamtangang operahanan sa balay tambalanan. (Jordan Britos)
Facebook Comments
