Gikumpirma ni City Veterinary o City Vet Officer Doctor Lucien Acac nga nagpositibo sa African Swine Fever kon A-S-F ang Barangay Bulua ning syudad.
Sa interview sa dxCC-RMN Cagayan de Oro, gibutyag ni Doctor Acac nga mokabat sa kapin sa 200 ka mga baboy ang apektado sa lugar.
Dugang pa niini nga adunay impormasyon nga nagsakit ang mga baboy sa area busa gianhaan kini sa City vet ug gikuhaan sa sample ug gipadala sa Regional Animal Disease Diagnostic Laboratory sa Department of Agriculture kon D-A region ten.
Dinhi na nasuta nga positibo sa A-S-F ang nasangpit nga mga baboy.
Giklaro ni Doctor Acac nga gahatag ang lokal nga kagamhanan og tag dos mil pesos sa matag ulo sa baboy nga nag edad og lutas pataas.
Samtang tulo usab sa mga baboy nga adlaw pa lang ug wala pa nalutas ang nagkantidad sa dos mil pesos.
Alayon niini, mohatag usab ang D-A og singko mil pesos isip indemnification.
