Naghatag ug tambag ang pipila ka personalidad ug opisyal sa gobyerno alayon sa nagsingabot nga eleksyon sa barangay ug Sangguniang Kabataan.
Sa interview sa RMN Malaybalay ngadto kang Congressman Oneil Roque, gibutyag ninii nga ang katawhan maoy mas nakahibaw kung kinsang mga kandidato ang daling maduolan ug motrabaho maong sugyot ninii nga kadto maoy pilion.
Nanghinaut usab kini nga unta hatagan ug konsensiya ang mga bontante sa pagpili sa ilang mga barangay officials.
Mas mayo matud pang pilion kadtong mga kandidatong kusog mo trabaho aron mapadali ang mga proyekto nga ipatuman sa barangay.
Samtang sa interview sa RMN ngadto kang Dr. Adrian Tamayo, ang political and governance expert gibutyag niini nga dako kaayong responsibilidad ang pagpili sa barangay officials tungod kay maka-apekto kini sa pagdumala sa barangay sulod sa daghang katuiga.
Maong tambag niya nga unta himbisan pag-ayo sa mga botante ang mga kandidato sa eleksiyon.
