Davao City – Arestado atol sa buybust operation sa Philippine Drug Enforcement Agency XI ug Davao del Norte Police ang pito ka mga drug suspects sulod sa usa ka hotel sa may Barangay La Filipina, Tagum City, Davao del Norte nga gihimong drug den.
Giila ang mga suspek nga sila Janley Carbonilla ug Chessa Donaire nga maoy giingong tig-mentenar sa giingong drug den.
Napalitan ang mga suspek sa agent sa PDEA og P1,000 kantidad sa shabu.
Sikop usab ang lima ka mga ‘drug den visitors’ nga sila Jupit Pitlo, Jestoni Infiesto, Kevin Roy Achacoso, Sally Balla and Girley.
Nakuha sa mga awtoridad ang 2 medium pakete ug 11 ka gagmay usab nga pakete sa shabu nga nagkantidad og P144,000.00 ug assorted drug paraphernalia.
Sa interbyu sa RMN Davao kang PDEA XI Regional Director Antonio Rivera nga usa ka bulan na nga gina-surveillance ang maong mga targets hangtod sa malampuson gayod kining naaresto.
Segun ni Rivera nga kasong may paglapas sa RA 9165 ang gipasang-at sa mga suspetsado nga gipaslak karon sa detention facility sa PDEA XI.
RadyoMaN Aimee Guinita
