General Santos City—- Pakyas ang planong pagpangambush sa Rebeldeng New People’s Army kon NPA human sila maunhan sa tropa sa militar sakop sa 39th Infantry Battalion.
Sumala kang Lt. Leah Canceran, tigpamaba sa 1002nd Brigade Phil. Army nga alas 8 pasado ang takna sa buntag dihang nagka-engkwentro ang NPA ug militar.
Paspas matud pa nga mi-atras ang rebeldeng pundok kung asa nahibilin ang ilahang mga gamit sa kabukiran nga bahin sa Brgy. Sibulan, Sta. Cruz, Davao Del Sur.
Dugang pamahayag ni Lt. Canceran nga human ang engkwentro nagpahigayon ug pursuit operation ang militar kung asa narekober ang usa ka unit sa garand rifle.
Sumala niya nga bisan ug adunay deklarasyon nga unilateral ceasefire ang NPA, nagapabilin gihapon ang ilahang ginahimo mga pagpangharass ngadto sa tropa sa gobyerno.
Pamatuod lang matud pa kini dili gyud sinsero ang maong grupo gumikan bisan ang ilahang mga saad ang wala gyud nila ginatuman.
Kahibaluan nga kini na ang ikadihang engkwetro sa militar ug NPA sa maopng lugar karong semanaha.
