Arun sa hingpit ug hugot nga pagpatuman sa Plastic Regulation Ordinance sa Butuan, angay nga palagsikon ang committee on plastic regulation sa city hall.
Kini maoy nahimong pamahayag ni Konsehal Cromwel Nortega, ang principal Author sa Plastic Regulation Ordinance nga gihugtan na ang pagpatuman niini sugod karung bulan sa Agusto.
Pagapangulohan ni Mayor Ronnievic Lagnada ang Plastic Regulation Committee nga maoy magsiguro nga gisunod ang ordinance nga nag-regulate sa paggamit ug plastic cellophane dinhi sa dakbayan sa Butuan.
Kaabag sa hepe ehekutibo sa pagpatuman sa ordinansa ang Chairman sa Committee on Environment sa Sangguniang Panlungsod isip Vice-Chairman ug mga hingtungdang buhatan sa City Hall isip mga membro.
Subay niini dili pabor si Konsehal Cromwell Nortega sa hangyo sa pipila ka mga negosyante nga ipahurot pa ang stocks sa cellophane adesir mosunod sa gipatumang ordinansa sanglit dugay na sila’ng nagpahibalo kalabot sa pagpatuman sa pag-regulate niini maong wala nay rason nga tugutan ang dugangh hangyod sa mga negosyante.
Gipaklaro sa City Environment and Natural Resources (City ENRO) nga dili “total ban” ang paggamit ug plastic cellophane dinhi sa dakbayan sa Butuan.
Sigun ni Jess Ivan Saburao sa City ENRO nga pinasikad sa ordinansa ning syudad, gitugutan gihapon ang paggamit ug plastic cellophane sa pagpalit ug mga wet goods ug mga pagkaon gikan sa mga carenderia.
Laing gitugot ang mga eco-bags nga gamiton sa pagpalit diha sa merkado.
Gawas niana, bawal na ang uban nga katuyuan sa paggamit ug plastic cellophane ug kinsa man ang molapas niini mamahimung masilotan.
Dugang sa opisyal nga “long overdue” na ang nasangpit nga ordinansa nga napasar sa nakalabyang tuig 2017 apan karon pa hingpit nga mapatuman.
Katuyuan sa nasangpit nga ordinansa mao ang pagprotektar sa kinaiyahan.
[image: CROMWEL.jpg]
